Kafedra 1959-cu ildə kənd təsərrüfatı müəssisələrinin təşkili kafedrasının bazasında təşkil edilmiş, ilk rəhbəri D.Şıxməmmədov olmuşdur. Bir ildən sonra bu kafedra kənd təsərrüfatının iqtisadiyyatı kafedrası ilə birləşdirilmişdir.
1965-ci ildə kənd təsərrüfatında mühasibat uçotu və statistika kafedrası təşkil olunmuş, kafedranın müdiri dosent Rasim Həşimov seçilmiş və o, 1977-ci ilədək kafedraya rəhbərlik etmişdir.
Kafedra 1977-ci ildə “Statistika və mühasibat uçotu” kafedrası adlanmış, 1988-ci ilədək dosentlər Həmid İsmayılov, 1988-1990-cı illərdə Zərifə Bayramova, 1990-1992-ci illərdə Həsənəli Əlizadə, 1992-2000-ci illərdə Bəhruz Xəlilov, 2000-2009-cu illərdə “Mühasibat uçotu və audit” adı ilə Şivəxan Abdulov, 2009-2016-cı illərdə Məmməd İsmayılov rəhbərlik etmişlər.
Kafedranın professor-müəllim heyəti 25 nəfərdən, o cümlədən 5 dosent, fəlsəfə doktoru, 8 baş müəllim, 12 assistentdən ibarətdir.
Hazırda “Mühasibat uçotu və audit” kafedrasına dosent Pərvin Muxtarova rəhbərlik edir.
KAFEDRA MÜDİRİ
Muxtarova Pərvin Elman qızı
HAQQINDA MƏLUMAT (CV)
HAQQINDA MƏLUMAT (CV)
KAFEDRANIN HEYƏTİ